| |
SLIPACEM
Neito, ven binob fenik e labob slipi, golob
lü slipacem. Filidob liti. Sälenükob jukis, säklotob obi, lavob obi e
lenükob piyami. Täno golob bedio e kvänob liti. Pos timil anik slipikob.
Gödo kuratiko tü düp velid galükamaglok tonon e galikob. Löädob e lenükob
cemakloti e pantufis e golob lü banacem, in kel banob dis dujet, balido me vat
vamülik, täno me vat koldik. Säluimükob obi me taul e lenükob dönu
cemakloti. Täno lekluinob tutis e jeifob obi. Ven atos finon, pladob jeifadinis
obik sui boed sus lavatab. Büä golob ad janedön, klotob obi. Su klünatab
logoy kefi, köbi, namaloki, benosmelotafladüli e puinabokili. Klüliko dins
lätik no ledutons lü ob, ab lü jimatan obik. In layets ramara kipedob
lavastofädemi klinik; samo, jitis, pokasärvätülis, lustogis, kravatis, e
rets. Lavastofädemi miotik seitoy ini bäset e sedoy ad palavön lavöpe.
Kipedob ini ramar klotemis obik len klotilägöms.
|
bäset |
a basket |
kvänön |
to switch off |
|
benosmelotafladül |
a scent bottle |
lavastofädem |
laundry |
|
boed |
a shelf |
lenükön |
to put on |
|
cemaklot |
a dressing gown |
löädon |
to rise |
|
dujet |
a shower |
lustog |
a sock |
|
fenik |
tired |
namalok |
a hand mirror |
|
filidön |
to switch on |
pantuf |
a slipper |
|
galikön |
to wake up |
piyam |
pyjamas |
|
galükaklok |
an alarm clock |
pokasärvätül |
a pocket handkerchief |
|
gödo |
in the morning |
puinabok |
a powder box |
|
janedön |
to have breakfast |
säklotön |
to undress |
|
juk |
a shoe |
sälenükön |
to take off |
|
kef |
a brush |
säluimükön |
to dry |
|
klotilägöm |
a coat hanger |
slipikön |
to go to sleep |
|
klotön oki |
to get dressed |
taul |
a towel |
|
klünatab |
a dressing table |
tonön |
to ring |
|
köb |
a comb |
tut |
a tooth |
|
kuratiko |
precisely |
|
|
|