Reided 6

VAKEN SU LÄNÄD

Äkösömobs ad lifädön vakeni su länäd. Lepals obik älabons farmi gretik ed obs, poscils valik, äkösömobs ad kobikön us, ad yufön e pö sov e pö klop.

Länädalif binon vemo sanabik, ab fikulik. Feilans mutoms klinükön leceki jevods, nulüdön nimis valik, tätön kunis, bevobön gluni e dunön vobodilis milbal.

Lefat obik äbridom nimis valasotik. Älabom tätakunis vel u jölis, jevodis te telis pro plaudam e telis ad pabemonitön. Älabom lemödoti svinas e gokas, e dökis e dindunis anikis. Plä ats älabom jipis nemödik, kaparis anik e torülis tel.

Ün yels pasetik vob farmik valik pädunon me nam. Dins evotikons boso; traktor eplaädom hobubi e jevodi pö plaudam. Fledatood blinon prodis lü maket.

In tätamöps gretol amol genpu tätamacinis lektinik. So datuvots nutimik votükons farmalifi.