[Volapük.com]  Volapük.com Home
 
  

Reided 8

 

TRENAVEGASTAJON

Ün tim at tävoy mödo mödikumo ka büikumo. E tävoy pö mod vemo votik.

Getikobsös te dö jenöfot, vio ebinos bü tumyels anik; vio vemo val evotikon sis tim et!

Stemanafs e trenavegs lesio ya ädabinons täno, ab güo ni motoravabs, ni flitöms, ni stelanafs.

Attimo bevegoy fagotis lunik me tood, e flitöm evogikon lölöfiko as veigamedöm kovenik ä pöpedik.

Pianiko ün fütür i stelanaf oplösenon ba rouli in dakosäd.

Nog ai trens veigons numi gretik tävanas. Ün tim at stajon logoton vemo votiko ka büikumo.

Lemüfs vönäda binons näns voik leigodü lemüfs gianagretik attimo ko dugolöpavabs, staudavabs e slipavabs oksiks.

In stajon nulädik logobs vestibi lutagik. Nilü pärun tren stopon su ferodarutaveg kilid. Odevegon suno. Tävans nüxänons. Päkemipolans lodoms päkemi peregistaröl ini päkemavab.

Nu devegamatim ekömon. Yans itjäfidik trena färmikons. Stajonacif küpälom, das val binon blÌmik. Täno givom maleti ad devegön. Lemüf primon ad jäfidon e vabs mufikons.

Su pärun telid mens ya stanons e stebedons vifatreni lükömöl. Läd golof anu lü bilietagijät. Votans stanons e logons nu lü jonetots delagasedakioska.

Boso fagikumo binon potöp. Votaflano i tuvobs pläo stebedalecemis e stajonastaudöpis.

dakosäd

travel

nüxänön

to board

devegön

to depart

päkem

luggage

dugolöpavab

carriage with corridor

pärun

a platform

ferodarutaveg

a railway line

staudavab

a restaurant car

flitöm

an aeroplane

stebedalecem

a waiting room

güo

on the other hand

stelanaf

a space ship

itjäfädik

automatic

trenavegastajon

a railway station

jonetot

a display

veigön

to transport

lemüf

a locomotive

vestib

a concourse

lutagik

airy

vogikön

to become fashionable

nän

a dwarf

vönäd

yesteryear