Dalebüd Cifala de 2015, Novul 1, Nüm: 2

Söl: Igor Wasilewski, pemotöl ün 1972 in Polän e nu lödöl tö Saitama nilü Tokyo, Yapän, pekomandom ed estetom oki vilöfiki ad lovesumön cali kadämana soga bevünetik Volapüka pla hiel Ralph Midgley, kel eklemom cali at.

Igor Wasilewski binom sevan süperik Volapüka e jenotema onik.
Enotükom yegedis Volapükik in sogädaresods anik.
Id enotükom filmotülis pö el Youtube, in kels spikom Volapüki ad blöfön, das Volapük binon pük noe papenöl, abi paspiköl.
Binom ziliko jäfädik gönü Volapük pö els Facebook e Yahoo Groups.

Me atos söl: Igor Wasilewski pacälom as
KADÄMAN SOGA BEVÜNETIK VOLAPÜKA.

2015 novul 1
Cifal: Hermann Philipps
Zänabür Volapükanefa
D-53173 Bonn - Bad Godesberg
Beethovenallee 61
Deutän