[Volapük.com]  Kadäm Volapüka Domio
 
  

Dalebüd Cifala de 2015, Dekul 1, Nüm: 4

Söl: Ralph Midgley, pemotöl ün novul yela: 1929 in Linglän, ädünom Volapükamufi sis yel: 1975.

Volapükamuf debon ome dani vemik kodü vob lezilik dü yels 40, bevü votiks samo:

  • prod vödabukas Vp. - Lingl. e Lingl. - Vp.,
  • jafäd tidodemas Volapüka me Linglänapük e püks votik,
  • dabük nenropik gasedas Volapükik,
  • susnumiks tradutods e lautots rigik Volapükiks,
  • pläns gramatik dö pats fikulik in pük obsik,
  • spod bundanik ko Volapükans e nitedäbs sa lisedam kälöfik ona dü yels mödik.

Demü meritabs at kadäm e cifal soga bevünetik Volapüka lecedons osi pötiki ad gevön ome stimatituli.

Kludo me atos söl: Ralph Midgley pacälom ad

STIMAKADÄMAN SOGA BEVÜNETIK VOLAPÜKA.

2015, dekul, 1
Cifal: Hermann Philipps
Zänabür Volapükanefa
D-53173 Bonn - Bad Godesberg
Beethovenallee 61
Deutän

©2016 Kadäm Volapüka
Hosted by Evertype