Dalebüd Cifala de 2017, Mäzul 13, Nüm: 6

Söl: Sérgio Meira, pemotöl ün dekul yela: 1968 in ‚Recife’, Brasilän, picälodöl ad liman kadäma Volapüka bü yels deg ün 2007, egebidükom cali at demü bligs votik calik.

Volapükamuf debon ome dani vemik kodü duinods oma gönü pük obsik, bevü votiks:

• laut vödemas rigik e tradutods konotas fa els ,Jorge Luís Borges’, ‚Rubem Braga’ e ‚Franz Kafka’, kels pänotükons in gased obsik: „Vög Volapüka”,
• lemek fonätadiläda Volapükik in ‚Wikipedia’ nemü Vükifonät,
• digitükam vödemas mödikün se „Volapükagased pro Nedänapükans” e notükam onas in ‚Wikisource’,
• laut vödemas mu mödikas in ‚Wikipedia’ Volapükik nemü ‚Vükiped’.

Demü meritabs at kadäm e cifal soga bevünetik Volapüka lecedons osi pötiki ad gevön ome stimatituli.

Kludo me atos söl: Sérgio Meira pacälom ad

STIMAKADÄMAN SOGA BEVÜNETIK VOLAPÜKA.

2017, mäzul, 13
Cifal: Hermann Philipps
Zänabür Volapükanefa
D-53173 Bonn - Bad Godesberg
Beethovenallee 61
Deutän