Dalebüd Cifala de 2023, Yanul 24, Nüm: 7

Söl: Jan van Steenbergen, pemotöl ün 1970 in zif: ‚Hoorn’, Nedän, e nu lödöl in zif ‚Ĳmuiden’, pekomandom ed estetom oki vilöfiki ad lovesumön cali kadämana soga bevünetik Volapüka.

Äbejäfom elis „Studs Lofüda⸗Yuropik” pö niver di ‚Amsterdam’ e nu vobom as tradutan e nätäpretan vü Nedänapük e Polänapük. I sevom gudiko natapükis votik e mekavapükis anik – binom balan datuvanas püka bevüslavik e vi⸗presidan ela ‚Language Creation Society’.

Jan van Steenbergen sevom dibätiko gramati, vödastoki e jenotemi Volapüka.
Binom sis brefüp guvan vükipeda Volapükik, kel äbinon ön stad negudik sis lunüp, e nu bejäfom koräki e leodükami ona.
Epenom degatis yegedas in vükiped Volapükik, kels eplaädons numi vemik yegedas, kels pijafädons itjäfidiko ud äbinädons me set te bal.
Bevobom resodatopedi, kel oninädon vödabukis leäktronik e vödemis pötöfik äsi yufianis pro stud Volapüka.
Desinom ad jafädön vödabukis Volapükik pro Polänapük, Nedänapük, e bevüslav (el ‚medžuslovjansky’).

Demü kods at söl: Jan van Steenbergen pacälom as

KADÄMAN SOGA BEVÜNETIK VOLAPÜKA.

2023, yanul, 24
Cifal: Hermann Philipps
Zänabür Volapükanefa
D-53173 Bonn - Bad Godesberg
Beethovenallee 61
Deutän